“吸煙危害健康”這個概念幾乎已獲社會普遍認同，當然，基於保障人人享有的“自由”和“人權”，縱然我不贊成吸煙，但不會阻止其他人吸煙。可惜，基於現時本澳控煙法允許賭場例外設置吸煙區，導致在場內的工作人員至今仍然被剝奪選擇的自由，被迫吸食“二手煙”。
李靜儀議員上周在立法會提出辯論“應否立即修法對博彩娛樂場實施全面禁煙”，她在會上提到：“我希望政府記得，控煙法ｏ既方向，係所有特定地點及室內公眾場所全面禁煙，賭場可以設吸煙區只係特別例外ｏ架咋，即係話你本身要實行ｏ既係全禁，前題係你要守規矩，依法律，要令到員工的保障更大，先有呢個例外。但事實係，法律執行唔好，政府都無Ｄ賭場符，保障唔到員工，對佢地ｏ既職業傷害好大，我真係諗唔到政府有乜理據仲要畀賭場有呢個特例。”
但原來講來講去，政府就是擔心萬一賭場全面禁煙，會令賭收減少。
贊成派陳澤武議員就講出政府的“心聲”：“政府控煙有幾難？政府可能係因為大局著想，為稅收著想，為全澳市民福祉著想，先唔控！控煙後生意少咗，稅收少咗，人工冇得加，社會建設又少，醫療教育少，邊個負責？”他認為在得出禁煙對經濟的影響結論前，不能貿然禁煙。
區錦新議員反駁：“賭場全面禁煙影響賭收？假設啫！禁煙會令賭收歸零，你嚇澳門人呀？即使博彩收益受影響，處於博彩經濟發展上升期也是完全可以承受的風險，難道政府為保住賭收而犧牲博彩從業員的健康？”
李靜儀議員也反對：政府不具備實際證據和數字反映禁煙影響經濟，以此作為賭場設吸煙區的最強依據，猶如荒謬笑話。“從頭到尾，賭場係咪全面禁煙，係政府決心問題，係有冇真心為居民的健康著想，還是只顧成全經濟發展，不惜犧牲從業員的健康。”關姐也“火滾”，“我唔敢講全面控煙唔會有影響，但賭場生意絕對唔係因為一支煙，而是與國家發展、賭場發展方向和吸引力有關。就同你講經濟因素，如果只係攞一支煙嚟講，博彩業唔需要優化啦！不如成個澳門全面開放吸煙，就有更多人嚟啦！”
沒有留言:
張貼留言